نحن المراهقون

يا جماعه انا جايه اتكلم زي ناس كتير عن المراهقه والمراهقين
بس المرادي بشكل مختلف انا جايه اتكلم بصفتي من اللي بتقولو عنهم مراهقين وعاوزه اقولكم
ان مش كتره الكلام عننا وعن مشاكلنا هي اللي هتحللنا المشاكل دي
احنا مشكلتنا الحقيقيه انو مش سهل نلاقي حد يفهمنا ويصاحبنا
كلكم بتتكلمو عن المراهقه والمراهقين بصفه العالم والباحث لكن مشفتش حد حاول يفهمنا ويقرب مننا بجد
ويعرف اسباب المشاكل اللي بيقول عليها دي ايه
مش ممكن انتو نفسكم مشكلتنا
يعني بصراحه من كتر الكلام عننا وكاننا مجرمين او حاله نفسيه محتاجه علاج بقيت احس ان في ناس بتفصلنا عن المجتمع بتاعنا
في حين ان المفروض تقربو مننا وتفهمونا وتقضو علي المخاطر اللي ممكن نقع فيها بحبكم لينا
وتقربكم مننا وانكم تشغلونا بحاجات مهمه زي انشطه او غيره
ومتبصولناش علي اننا حاجه خطر او متوقع مننا الغلط علي طول
يعني انا عاوزه اقول اننا بني ادمين عاديين والمساله مش محتاجه كل التدقيق والتمحيص دا يعني
والسلام ختااااااااااااااام

بجد عندك حق